Ermənistan Avropa İttifaqı ilə qeyri-öldürücü silahların mümkün tədarükü mövzusunda dialoq aparır...
Poliqon xəbər verir ki, bu barədə məlumat Ermənistan Xarici İşlər Nazirliyinin saytında yer alıb.
"Tərəflər missiyanın genişləndirilməsi imkanlarını, həmçinin Avropa Sülh Fondu vasitəsilə Ermənistana qeyri-öldürücü silahların verilməsinə dəstək məsələsini müzakirə ediblər", deyə XİN-in Ermənistan və Aİ arasında siyasi və təhlükəsizlik məsələləri üzrə ikinci dialoqun yekunlarına dair bəyanatında deyilir.
XİN həmçinin qeyd edib ki, Ermənistan Avropa İttifaqının müşahidə missiyasının ölkənin Azərbaycanla sərhədində yerləşdirilməsini yüksək qiymətləndirir və Aİ-nin üçüncü ölkələri missiyaya cəlb etməyə hazır olmasını alqışlayır.
Dialoqun növbəti görüşü 2024-cü ildə İrəvanda keçirilməlidir.
Noyabrın 15-də Ermənistanın baş naziri Nikol Paşinyan bildirib ki, silah tədarükü üçün yeni tərəfdaşlar axtarır, çünki indiki tərəfdaşlar obyektiv səbəblər də daxil olmaqla, onlara silah və sursat sata bilmirlər.
Poliqon.info