Türkiyə prezidenti Rəcəb Tayyib Ərdoğan şənbə günü ölkənin bölgələrinə səfərə çıxacaq. Onun ilk dayanacağı şimal-şərqdəki əyalətlər olacaq...
Poliqon xəbər verir ki, bu barədə “Sabah” qəzeti məlumat yayıb.
“Prezident Rəcəb Tayyib Ərdoğan seçkilərdən sonra ölkənin bölgələrinə “təşəkkür səfərləri”nə başlayır. Ərdoğan şənbə günü 14 və 28 may tarixlərində keçirilən seçkilərdə rekord səs topladığı Bayburt və Gümüşhaneyə səfər edəcək”, deyə nəşr yazır.
Ərdoğanın Bayburtda bir sıra ictimai binaların açılışında iştirak edəcəyi gözlənilir.
Türkiyədə prezident seçkilərinin birinci turu mayın 14-də keçirilib, namizədlərdən heç biri qalib gəlmək üçün lazımi səsləri toplaya bilməyib. Seçkilərin ikinci turu mayın 28-də keçirilib və Rəcəb Tayyib Ərdoğan 52,18 faiz səslə qalib gəlib.
Poliqon.info