Ərdoğan “cibi dolu” ölkələri Qəzzaya kömək etməyə çağırıb

Türkiyə prezidenti Rəcəb Tayyib Ərdoğan “cibi dolu” ölkələri İslam Əməkdaşlıq Təşkilatının (İƏT) Ər-Riyadda keçirilən sonuncu sammiti çərçivəsində yaradılan Qəzzanın yenidən qurulması fonduna kömək etməyə çağırıb.

Poliqon xəbər verir ki, bu barədə “Hürriyyət” qəzetinin məlumatında bildirilir.

Ərdoğan qeyd edib ki, Türkiyə anklavın bərpası üçün hər cür səy göstərəcək. Lakin onun fikrincə, imkanı olan digər ölkələr də “əllərini ciblərinə salmalı” və Qəzzaya kömək etməlidirlər.

“Biz yaradılmış fonda lazımi dəstəyi verdik, bunu Ər-Riyadda keçirilən konfransda birlikdə səsləndirdik, başqa ölkələr də lazımi dəstəyi verməlidir”, deyə Türkiyə prezidenti bildirib.

Bundan əlavə, Ərdoğan qeyd edib ki, Türkiyə hakimiyyəti Qəzzanı boşaldmaq üçün “davamlı işğal və torpaq qəsb etməklə genişlənən” İsrail siyasətinə dözmək niyyətində deyil.

Poliqon.info