Siyasətçinin sözlərinə görə, ölkə “faşist quldurlarının” hakimiyyəti altındadır...
ABŞ-ın 45-ci prezidenti Donald Tramp Ağ Evi kəskin tənqid edib. Siyasətçi bildirib ki, ölkə “faşist quldurlarının nəzarəti altındadır”.
Poliqon xəbər verir ki, bu barədə sabiq prezident sosial şəbəkədə paylaşdığı videomüraciətində bildirib. Siyasətçi və iş adamı videomüraciətində bildirib ki, “faşist quldurları”nın nəzarəti altında olan ABŞ “banan respublikasına” çevrilir.
Trampın fikrincə, yaranmış vəziyyət siyasi opponentlərin cinayət təqibi praktikası ilə birbaşa bağlıdır. Donald Tramp həmçinin əlavə edib ki, ABŞ lideri Co Bayden “ağlını itirib”.
Qeyd edək ki, artıq Trampa qarşı dörd cinayət işi var. O, potensial olaraq ömrünün axırına qədər həyatını həbsxanada keçirə bilər. Siyasətçinin özü hesab edir ki, həbsxana həyatı onu təhdid etmir və o, “pis adamlara” görə cinayət təqibinə məruz qalır.
Poliqon.info