Dollar güclənməkdə davam edəcək...

Poliqon xəbər verir ki. bu barədə The Wall Street Journal qəzetinin analitik məlumatında bildirilir.
Qəzet yazır ki, investorları ABŞ-ın faiz dərəcələrinin pik həddə və ya ona yaxın ola biləcəyi perspektivi daha az narahat edir, çünki avrozonada və digər əsas inkişaf etmiş ölkələrdə də faiz dərəcələrinin daha da yüksəlməsi ehtimalı yoxdur, Əgər ABŞ iqtisadiyyatı dayanıqlı qalsa, o zaman faiz dərəcələri daha uzun müddət yüksək qala bilər.

Tickmill Group-un bazar üzrə analitiki Ceyms Hart WSJ-ə açıqlamasında qeyd edib ki, ABŞ iqtisadiyyatı Avrozona iqtisadiyyatından daha yaxşı vəziyyətdədir, dollar FED-in gözləntilərindəki dəyişikliklərə baxmayaraq kapital cəlb etməkdə davam edir.

“Son məlumatlar göstərir ki, avrozona və Böyük Britaniya iqtisadiyyatları ABŞ iqtisadiyyatından daha kövrək görünür, Yaponiyanın pul siyasəti isə yüksək dərəcədə mülayimdir”, deyə WSJ yazır.

Bazar bunun ehtimalını çox aşağı qiymətləndirsə də, analitiklər ABŞ iqtisadiyyatında yumşaq eniş əlamətlərinə, eləcə də FED-in daha da artırma ehtimalına işarə edirlər.

Poliqon.info