Çexiya universitetdə baş verən atışmadan sonra dekabrın 23-ü matəm günü elan edib...
Çexiya hökuməti Praqada universitetdə baş verən atışmadan sonra dekabrın 23-ü şənbə günü milli matəm günü elan edib.
Poliqon Reuters Agentliyinə istinadən xəbər verir ki, bu barədə Çexiyanın Baş naziri Petr Fiala bildirib. Son məlumatlara görə, atışma nəticəsində 14 nəfər ölüb, daha 25 nəfər yaralanıb.
Hadisə dünən, dekabrın 21-də Çarlz Universitetinin binasında baş verib. İstintaqın məlumatına görə, atəş açan şəxs fakültələrdən birinin tələbəsi olub və onun odlu silah saxlamaq üçün lisenziyası olub.
Gülləbarandan sonra gənc özünü güllələyib. Təqsirləndirilən şəxs atışmadan əvvəl atasını öldürüb.
Poliqon.info