ABŞ Milli Təhlükəsizlik Şurasının Strateji Kommunikasiyalar üzrə koordinatoru Con Kirbi bildirib ki, Amerika hökumətinin işinin maliyyələşdirilməsi dayandırılarsa, Ukraynaya yardım təhlükə altında ola bilər...
Poliqon bu barədə “İnterfaks” Agentliyinə istinadən xəbər verir.
“Ukrayna məsələsi əsasən ABŞ-ın milli təhlükəsizlik məsələsidir. İşin dayandırılması halında biz tələb etdiyimiz vəsaiti, xüsusən də Ukraynanın müdafiə ehtiyacları üçün 20 milyard dolları almayacağıq və nəticədə ukraynalılar döyüş meydanında əziyyət çəkəcək”, deyə Kirbi bildirib.
Bundan əvvəl Kirbi bildirmişdi ki, Amerika hakimiyyəti Ukraynaya ATACMS taktiki raketlərinin verilməsi barədə hələ heç nə deyə bilməz.
Qeyd edək ki, ABŞ hökuməti ilə Senat arasında büdcə müzakirələri dalana dirənin. Respublikaçılarla demokratlar büdcə layihəsinin bəzi müddəalarında, xüsusən də Ukraynaya yardım məsələsində anlaşa bilmir. ABŞ-da cari maliyyə ili sentyabrın 30-da başa çatır. Həmin vaxtadək anlaşma olmasa, maliyyələşmə dayana bilər ki, bu da hökumətin bloklanması ilə nəticələnər.
Poliqon.info
Digərxəbərlər
Populyar xəbərlər
