CNN: ABŞ bu həftə Ukraynaya “Patriot” sistemləri verə bilər

PİA.az xəbər verir ki, belə bir məlumatla CNN çıxış edib.

CNN mənbələrinə istinadən bildirir ki, “Patriot” sistemlərinin Ukraynaya göndərilməsi Pentaqonun rəhbəri Lloyd Ostin tərəfindən təsdiqlənməlidir.

Ağ Ev isə bu həftə “Patriot” hava hücumundan müdafiə sisteminin təhvil verilməsini elan etməyi planlaşdırır. Vaşinqtonun Kiyevə nə qədər “Patriot” ötürəcəyi hələlik məlum deyil.

CNN-nin mənbələri qeyd edib ki, “Patriot” qurğuları mümkün qədər tez Ukraynaya çatdırılacaq. Ukrayna hərbçiləri Almaniyadakı Amerika bazalarından birində sistemin əməliyyatları üzrə təlim keçəcəklər.

pia.az