Çin Yerin orbitinə 41 peyki çıxaran “Long March-2D” daşıyıcı raketinin növbəti buraxılışını həyata keçirərək, bir daşıyıcı vasitəsi ilə kosmosa çatdırılan vasitələrin sayına görə milli rekorda imza atıb...
Poliqon Çinin Sinxua Agentliyinə istinadən xəbər verir ki, raket mayın 15-də Pekin vaxtı ilə saat 13:30-da Çinin şimalındakı Tayyuan kosmodromundan buraxılıb.
Peyklər arasında Çinin şimal-şərqindəki Jilin əyalətinin “Chang Guang Satellite Technology” tərəfindən hazırlanmış “Jilin-1” ailəsinə aid 36 kommersiya yerüstü məsafədən zondlama cihazı da olub. Bundan sonra orbitdəki bu peyklərin sayı 108-ə yüksələcək ki, bu da ölkədə 100 vahiddən çox kommersiya məqsədli kosmik aparatların ilk qrupu olacaq.
“Jilin-1” kosmik gəmisinin ilk qrupu 2015-ci ilin oktyabrında buraxılıb. O vaxtdan bəri, istehsalçı şirkət onları təkmilləşdirməyə davam edib və 8 il ərzində eyni funksiyaya malik hər bir peykin çəkisinin 420 kq-dan 22 kq-a qədər azalmasına nail olub.
Bu, yenilənmiş təsvir sensorlarının istifadəsi, təkmilləşdirilmiş dizayn üsulları və qabaqcıl inteqrasiya edilmiş mikrosxemlərin quraşdırılması sayəsində əldə edilib.
İstehsalçı əmin edir ki, dəyişikliklər peyk təsvirlərinin həllinə təsir etməyib, lakin onların görünən diapazonunu 50% genişləndirməyə, həmçinin müasir cihazların qiymətini ilk peyklərin qiymətinin 1/20-nə endirməyə imkan verib.
Buraxılan peyklərin torpaq ehtiyatları, faydalı qazıntıların kəşfiyyatı və ağıllı şəhər inkişafı kimi sektorlar üçün məsafədən zondlama xidmətləri göstərmək üçün istifadə ediləcəyi gözlənilir.
Poliqon.info
Digərxəbərlər
Populyar xəbərlər
