G20 ölkələrinin xarici işlər nazirləri Fələstin-İsrail münaqişəsinin həllinin yeganə yolu kimi iki dövlət həllini dəstəkləməkdə demək olar ki, yekdildir...
Poliqon Reuters Agentliyinə istinadən xəbər verir ki, bunu Braziliya Xarici İşlər naziri Mauru Vieyra deyib.
Braziliya XİN rəhbərinin sözlərinə görə, G20-yə üzv ölkələrin xarici işlər nazirlərinin iki günlük iclasının bütün iştirakçıları Qəzza zolağında mövcud vəziyyətlə bağlı narahatlığını bildiriblər. Bundan əlavə, G20 nümayəndələri böhranın bütün Yaxın Şərqə yayılması riskini müzakirə ediblər.
“G20 ölkələri arasında münaqişəyə son qoymağın yeganə yolu kimi iki dövlət həlli ilə bağlı virtual yekdillik var”Ş deyə Vieira bildirib.
Mauru Vieyra Braziliyada keçirilən sammit zamanı Fələstin anklavında hərbi əməliyyatların dayandırılması və humanitar yardımın çatdırılması üçün Qəzza zolağına marşrutların açılması ilə bağlı çağırışlar edildiyini vurğulayıb. Həmçinin, G20-yə üzv olan bir çox ölkə İsrail hakimiyyətini Rəfah şəhərinə hücumlara görə tənqid edib.
Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cosep Borrell də, öz növbəsində, Fələstin dövlətinin yaradılması probleminin həlli üçün “davamlı tələbin” olduğunu bildirib. Aİ diplomatiyası rəhbərinin fikrincə Fələstin xalqının öz dövlətini yaratmaq perspektivi olmayana qədər Yaxın Şərqdə sülh əldə olunmayacaq.
Poliqon.info
Digərxəbərlər
Populyar xəbərlər
