BMT: Qəzzalıların gündə minimum 50 litr əvəzinə 3 litr suya çıxışı var

Poliqon xəbər veri ki, BMT-nin Humanitar Məsələlər üzrə Koordinasiya Ofisi (OCHA) bildirib ki, Qəzza zolağında adambaşına düşən orta su istehlakı gündə 3 litr təşkil edir.

OCHA Qəzzada ardıcıl doqquz gün elektrik kəsildiyini bildirib. Təşkilata görə, yerli xəstəxanalar “dağılmaq ərəfəsindədir”, bəzi əməliyyatları dayandırmağa, qaranlıqda işləməyə və liftlərdən istifadəni məhdudlaşdırmağa məcbur olurlar. ÜST tibb müəssisələrinə 59 hücum qeydə alıb, nəticədə onlardan 26-sı zədələnib, 16 tibb işçisi də həlak olub, 20-dən çoxu yaralanıb.

BMT agentliyi bildirir ki, qrunt sularından su hasilatı münaqişənin kəskinləşməsindən əvvəlki səviyyənin 5%-dən azdır. Yanacaq çatışmazlığı, təhlükəsizlik problemləri və yolların zədələnməsi əksər ərazilərdə suyun verilməsi işlərinin dayanmasına səbəb olub.

“Suyun miqdarı son dərəcə məhduddur, bu da dehidrasiya riskinə və insanların içməyə uyğun olmayan suyu istehlak etməsinə səbəb olur. Əsas qidaların kommersiya ehtiyatları azalır, mağazalarda yalnız bir neçə gün davam edəcək qədər ehtiyat var. Bir çox çörək zavodları artıq fəaliyyət göstərmir... Qəzza zolağında yalnız beş dəyirmandan biri fəaliyyət göstərir”, deyə OCHA-nın hesabatında deyilir.

Xatırladaq ki, oktyabrın 7-dən İsraillə Fələstinin HƏMAS hərəkatı arasında müharibə gedir.

Poliqon.info