BMT Qəzza zolağında fələstinlilərə humanitar yardım üçün lazım olan 294 milyon dolların üçdə birindən çoxunu artıq toplayıb...
Poliqon xəbər veriir ki, bu barədə BMT-nin Humanitar Məsələlərin Əlaqələndirilməsi Ofisi (OCHA) bildirib. Ofisdən verilən məlumatda qeyd edilir ki, BMT Qəzza zolağında fələstinlilərə humanitar yardım üçün lazım olan 294 milyon dolların üçdə birindən çoxunu artıq toplayıb. Qeyd edilib ki, təmiz içməli suyun olmaması, eləcə də təhlükəli mənbələrdən suyun istehlakı Qəzzada ciddi problem olaraq qalır.
OCHA-nın məlumatına görə, artıq Qəzzaya çatdırılan humanitar yardıma xəstəxanaların və su obyektlərinin enerjisi üçün çox ehtiyac duyulan yanacaq daxil edilməyib. Departamentdən bildirilib ki, artıq 12 xəstəxana və 46 ilkin tibbi yardım klinikası zədə və ya elektrik enerjisi və təchizat çatışmazlığı səbəbindən bağlanmağa məcbur olub.
“Hazırda BMT üzvü olan ölkələr cari böhranın yaratdığı humanitar ehtiyacların həlli üçün oktyabrın 12-də keçirilən çağırışa təxminən 100 milyon dollar ayırmağı vəd ediblər ki, bu da ümumi məbləğin 294 milyon dollarının təxminən 34%-ni əhatə edəcək”, deyə OCHA-nın mətbuat bəyanatında deyilir.
Xatırladaq ki, İsrailin Fələstinin HƏMAS qruplaşması ilə müharibəsi oktyabrın 7-dən bu yana davam edir. İsrail tərəfdən 1,4 min itki olub, Qəzza zolağında isə qurbanların sayı 5 mini keçib.
Oktyabrın 21-dən Misirlə sərhəddə fəaliyyət göstərən yeganə nəzarət-buraxılış məntəqəsi olan Rəfah vasitəsilə humanitar yardımların buraxılmasına başlanılıb. İsrail Qəzzaya yanacaq tədarükünün qarşısını alacağını bildirib.
Poliqon.info
Digərxəbərlər
Populyar xəbərlər
