BMT-də “Ukraynada hərtərəfli, ədalətli və davamlı sülhün əsasını təşkil edən prinsiplər haqqında” anti-Rusiya qətnamə layihəsi Baş Assambleyada müzakirə edilir…
Poliqon.info xəbər verir ki, bu barədə “RİA Novosti” Agentliyi beynəlxalq təşkilatdakı mənbələrə istinadən məlumat yayıb. Mənbələrin fikrincə, sənədi tərtib edən müəlliflər “ədalətli sülhün Ukrayna versiyasına” üstünlük veriblər.
Agentlik qeyd edir ki, BMT Baş Assambleyasının fevralın 22-də işini bərpa edəcək fövqəladə xüsusi sessiyası zamanı qətnamənin lehinə səsvermə təklif oluna bilər. Qərb ölkələri, o cümlədən Ukrayna, Rusiyanın xüsusi əməliyyatına başlamasının ildönümü ilə bağlı sessiya çağırıb.
Ukraynanın xarici işlər naziri Dmitri Kuleba fevralın 23 və 24-də “böyük hadisələr”in olacağını bildiribvə qeyd edib ki, “Rusiya bu tarixi xatırlayacaq”.
“Bu hadisələr bütün səviyyələrdə baş verəcək”, deyə Ukraynanın xarici işlər naziri szölərinə əlavə edib. Kuleba BMT Baş Assambleyasının deklarativ xarakter daşıyan və ölkələri heç nəyə məcbur etməyən qətnamələri barədə də xəbərdarlıq edib.
Qeyd edək ki, bundan əvvəl Associated Press Agentliyi xəbər vermişdi ki, Rusiya əleyhinə qətnamənin fevralın 24-də BMT Baş Assambleyasına təqdim edilməsi planlaşdırılır. Agentliyin məlumatına görə, Kiyev Baş Assambleyadan maksimum dəstək alacağını gözləyir.
Poliqon.info