Polşa kəşfiyyat xidmətləri polis əməkdaşlarına qarşı terror aktının qarşısını alıb...
Poliqon xəbər verir ki, bu barədə RMF FM radiostansiyası məlumat yayıb.
Müstəntiqlərin sözlərinə görə, 2022-ci ilin sonunda İslamı qəbul etmiş 18 yaşlı gənc Aşağı Sileziya Voyevodalığında polis komendantlığında terror aktı törətmək üçün "intihar kəməri"ndən istifadə etmək istəyib. Yerli prokurorluq Svidnika məhkəməsinə ittiham aktı göndərib.
Prokurorluğun məlumatına görə, gənc digər şeylərlə yanaşı, "Əl-Qaidə" terror təşkilatının qurucusu Usamə bin Ladendən nümunə götürüb, İŞİD-in fəaliyyətindən ilhamlanıb və yaraqlılarla təmasda olub.
Hücumçu partlayıcı qurğunun dizaynı, eləcə də onun komponentləri haqqında məlumat axtararkən Daxili Təhlükəsizlik İdarəsinin əməkdaşları tərəfindən saxlanılıb.
Prokurorluqdan bildirilib ki, saxlanılan şəxsin evində aparılan axtarış zamanı cinayətin törədilməsinə dair sübutlar aşkar edilib. Gəncin günahı məhkəmədə sübuta yetirilərsə, 8 ilə qədər həbs cəzası gözləyir.
Poliqon.info
Digərxəbərlər
Populyar xəbərlər
