Amerikalıların yalnız üçdə biri prezident Co Baydenin hərəkətlərini bəyənir ki, bu da onun səlahiyyət müddəti üçün rekord, son 15 ildə isə ən aşağı göstəricidir...
Poliqon xəbər verir ki, bunu ABC və beynəlxalq araşdırma şirkəti "Ipsos"un keçirdiyi sorğunun nəticələri sübut edir.
Sorğuda iştirak edənlərin yalnız 33%-i Baydenin siyasətini bəyəndiklərini deyib. Bu sentyabrda keçirilən sorğudakı göstəricidən də azdır. Həmin vaxt 37% Baydenə dəstək olmuşdu.
Eyni zamanda, ABŞ vətəndaşlarının 58%-i Baydenin dövlət başçısı kimi fəaliyyətindən narazı olduğunu bildirib. Sentyabrda respondentlərin 56%-i bu fikri bölüşüb.
ABC-nin məlumatına görə, bu, Corc Buşun 2006-2008-ci illərdə prezident seçilməsindən bəri ən aşağı reytinqdir.
Əvvəllər bildirilirdi ki, Co Bayden yenidən Ağ Evə rəhbərlik etmək ümidlərinin əsasını təşkil edən bir neçə seçici qrupu arasında dəstəyini itirməyə davam edir.
Sorğu göstərir ki, qaradərili seçicilər arasında Baydenin dəstəyi 2020-ci il prezidentlik yarışı zamanı bu qrup arasında 92%-dən 63%-ə düşüb. Latın amerikalılar arasında dəstək 59%-dən 34%-ə enib.
Bayden həmçinin 35 yaşdan kiçik seçicilər arasında potensial rəqibi olan keçmiş prezident Donald Trampı 37%-33% geridə qoyur.
Poliqon.info
Digərxəbərlər
Populyar xəbərlər
