ABŞ prezidenti Co Bayden İsrailin Baş naziri Binyamin Netanyahu ilə telefon danışığı aparıb...
Poliqon xəbər verir ki, Ağ Evin mətbuat xidmətindən verilən məlumata görə, Bayden bir daha İordan çayının qərb sahilində fələstinlilərə qarşı zorakılıqdan narahatlığını ifadə edib.
ABŞ prezidenti Qəzza zolağına humanitar yardımın davamlı axınının vacibliyini də vurğulayıb. Bayden həmçinin mülki əhalinin HƏMAS-dan, o cümlədən “insanların müəyyən hərbi əməliyyatların aparıldığı ərazilərdən təhlükəsiz şəkildə hərəkət etməsinə imkan verən” humanitar dəhlizlər vasitəsilə qorunmasını zəruri hesab edir.
“Prezident Bayden fələstinlilərə qarşı ekstremist zorakılıqlar və İordan çayının qərb sahilində sabitliyin artırılması zərurətindən narahatlığını bir daha təkrarlayıb”, deyə Ağ Evin məlumatında bildirilir.
Qeyd edək ki, İsrail və HƏMAS arasında müharibə oktyabrın 7-dən davam edir. İsrail səlahiyyətliləri qurbanların sayını 1,4 min adam olaraq təxmin edərkən, Fələstin səlahiyyətliləri 17 mindən çox mülki insanın öldüyünü bildirir. Noyabrın sonunda tərəflər bir neçə günlük atəşkəs barədə razılığa gəliblər, lakin dekabrın 1-də İsrail ordusu Qəzzada əməliyyatları bərpa edib. Netanyahu bildirib ki, müharibə başa çatdıqdan sonra Qəzzanın tərksilahına görə İsrail məsuliyyət daşıyacaq.
Poliqon.info