ABŞ-dan mayeləşdirilmiş təbii qazın (LNG) ixracına yeni icazələrin verilməsini dayandırmaq qərarı milyarderlər - Rokfeller ailəsi və Maykl Blumberqin (96 milyard dollar) təzyiqi nəticəsində prezident Co Bayden tərəfindən qəbul edilib...
Poliqon xəbər verir ki, bu barədə mənbələrə istinadən The Wall Street Journal məlumat yayıb.
Qəzetin yazdığına görə, Rokfeller və Blummberq, eləcə də digər milyarderlər Baydenin kampaniyasına sponsorluq ediblər.
Qeyd olunur ki, kampaniya qalıq yanacaq layihələrinə qarşı çıxan fikir liderlərini tapmaq və onlara sponsorluq etmək məqsədi daşıyır. Fəallar Vaşinqtona və federal rəsmilərə ekoloji tələblər irəli sürüblər.
Bayden administrasiyasının rəsmisi bildirib ki, fəalların səyləri Ağ Evin diqqətini çəkib.
Digər işçilər ekoloji qrupların hərəkətlərindən təsirləndiklərini bildiriblər. Bununla belə, Baydenin yeni LNG ixrac icazələrinin verilməsini dayandırmaq barədə son qərarı LNG qurğularından emissiyalar haqqında yeni araşdırmalar və LNG tədarüklərinin ABŞ iqtisadiyyatına və milli təhlükəsizliyinə necə təsir etdiyini daha yaxşı anlamaq istəyi fonunda verilir.
Poliqon.info
Digərxəbərlər
Populyar xəbərlər
