Bakı şəhəri Səbail rayonu 162 nömrəli tam orta məktəbin 8-ci (r) sinif şagirdi, 2004-cü il təvəllüdlü Elina Hacıyevanın təhsil aldığı məktəbin üçüncü mərtəbəsindən özünü ataraq intihara cəhd etməsi faktı ilə bağlı cinayət işi başlanıb
PİA.az Virtualaz.org-a istinadla bildirir ki, Təhsil Nazirliyi və Baş Prokurorluğun yaydığı birgə məlumatında belə deyilir.
Hazırda cinayət işi üzrə Elina Hacıyevanın ölümünün səbəbi və müddəti, təcili tibbi yardım xidmətinə vaxtında müraciət olunub-olunmaması, E.Hacıyevaya həkim briqadası tərəfindən yerində və xəstəxanada lazımi tibbi yardımın göstərilib-göstərilməməsi, müayinə və müalicənin diaqnoza uyğun qaydada aparılıb-aparılmaması, onun xəstəxanaya gec çatdırılması ilə ölümü arasında səbəbli əlaqənin olub-olmaması və sair əhəmiyyət kəsb edən halların aydınlaşdırılması üçün komisyon məhkəmə-tibb ekspertizası təyin edilib.
Həmçinin bildirilir ki, bəzi kütləvi informasiya vasitələrində insanların hissiyyatına toxunan əsassız məlumatlar yayılıb.
Bununla əlaqədar Baş Prokurorluq KİV-ə, vətəndaşlara, xüsusilə sosial şəbəkələrin istifadəçilərinə E.Hacıyeva, ailə üzvləri və yaxınları haqqında yoxlanılmamış, təsdiqlənməmiş məlumatların, habelə gizli və istintaq sirri ilə bağlı məlumatların yayılmasına görə məsuliyyət barədə xəbərdarlıq edib. Bildirilir ki, qanunvericiliyin tələblərini pozan və belə hərəkətlərə yol verən şəxslərə qarşı ən ciddi məsuliyyət tədbirləri görüləcək.
Hazırda cinayət işi üzrə bütün xüsusatların tam və hərtərəfli araşdırılmaqla qanun pozuntularına yol vermiş təqsirli şəxslərin dairəsinin müəyyənləşdirilməsi istiqamətində digər zəruri istintaq-əməliyyat tədbirləri davam etdirilir.
pia.az
Digərxəbərlər
Populyar xəbərlər
