Altı aya əsgər hazırlamaq mümkündürsə, orduda xidmət müddətini hər kəs üçün indiki 1-1,5 ildən 6 aya endirməliyik.
Pravda.az-ın xəbərinə görə, bu təkliflə REAL Partiyasının sədri İlqar Məmmədov çıxış edib.
Onun sözlərinə görə, 6 ay da xidmət etmək istəməyən vətəndaş isə rəsmi ödəniş əsasında hərbi xidmətdən tamamilə azad oluna bilər: "Ümumi təsəvvürü yaransın deyə 1 aylıq təlim keçə bilər, vəssalam. Canında və ağlında vuruşmaq yoxdursa, bəlkə o da artıqdır. İndi baxaq görək bugün deputat Elnur Allahverdiyev Milli Məclisdə nə deyib. Deyib xidmət müddəti 1 - 1,5 il qalsın, amma onu 6, ya da 2 aya endirmək istəyən vətəndaş müəyyən rəsmi ödəniş əsasında xidmətdən azad olunsun. Fərqi hiss edirsiniz? Ticarət təfəkkürü və bacarığı ilə tanınan adamları dartıb siyasətə gətirəndə, onlar ordunun qapısına da qiymət lövhəsi asarlar. Yaşadığım seçki dairəsinin deputatına izah etməyə məcburam ki, orduda xidmət yalnız və yalnız hərbi hazırlıq məqsədinə qulluq etməlidir. Bu hazırlığa 6 aya nail olmaq mümkündür? Bəli, mümkündür. Onda əlavə 6 aya görə kimsə niyə pul ödəsin? Bizim mövqeyi təkrar edirəm: 1. Hərbi xidmət müddəti hər kəs üçün 6 aya endirilsin, 2. Heç xidmət etmək istəməyən xüsusi vergi ödəsin, 3. Ən yaxın zamanda peşəkar orduya keçid təmin edilsin", - partiya sədri qeyd edib.
Poliqon.info
Digərxəbərlər
Populyar xəbərlər
