Siciliya sahillərində dənizdə sürüklənən iki ton kokain ələ keçirilib...
İtaliya Maliyyə Qvardiyası Siciliyanın şərqində dənizdə üzən, ümumi çəkisi təxminən iki ton olan böyük bir kokain partiyası aşkar edib.
Poliqon xarici mətbuata əsasən xəbər verir ki, bu barədə İtaliya Maliyyə Qvardiyasının məlumatında bildirilib.
Agentliyin məlumatına görə, aşkarlanan narkotikin bazarda ümumi dəyəri ən azı 400 milyon avrodur. Tapılan yük ölkədə narkotiklərin ələ keçirilməsindəı rekord göstəricilərdən birinə çevrilib.
Məlumatda qeyd olunur ki, Maliyyə Qvardiyasının dəniz bölmələri torla bərkidilmiş və siqnal işıq cihazı ilə təchiz edilmiş çoxsaylı üzən bağlamalar aşkar ediblər.
“Tapılan yükün xarici qiymətləndirilməsi zamanı bağlamalara suyun daxil olmasının qarşısını almaq üçün xüsusi “qayğı” göstərildiyi aydın olub”, deyə məlumatda bildirilir.
İlkin versiyaya görə, yük narkotik alverçilərinin gəmisi tərəfindən başqa gəminin yükü alması üçün dənizə buraxılıb. Ümumilikdə əməliyyat nəticəsində 70 konteynerə qablaşdırılan 1600 paket ağ toz götürülüb.
Poliqon.info