Ukraynada Zelenski və Zalujnı arasında fikir ayrılığına görə Rusiya günahlandırılıb...
“Rusiya casusları ölkə prezidenti Volodimir Zelenski ilə Ukrayna Silahlı Qüvvələrinin baş komandanı Valeri Zalujnı arasında fikir ayrılığına səbəb olub”.
Poliqon Times qəzetinə istinadən xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov deyib.
Onun sözlərinə görə, rus agentləri prezidentlə baş komandan arasında yaranmış “qondarma gərginlikdən” istifadə edərək, aralarında nifaq salmaq üçün yalan məlumat yaymağa çalışıblar.
Aleksey Danilov əlavə edib ki, Rusiya Ukrayna xalqı arasında hökumət əleyhinə əhval-ruhiyyə yaratmaq, daha doğrusu, Ukrayna ərazisində müharibə əleyhinə mitinqlər keçirmək istəyir.
Qeyd edək ki, bir müddətdir Ukrayna prezidenti Volodimir Zelenski ilə Ukrayna Silahlı Qüvvələrinin baş komandanı Valeri Zalujnı arasında gərginlik olduğu deyilir. Hətta bəzi xarici mətbuat orqanları Zalujnının rəhbərlik etdiyi hərbçilər qrupunun hakimiyyəti devirə biləcəyini iddia edib. Ukrayna hakimiyyəti bu iddiaları hələ rəsmi təsdiq etməsə də, Zelenski açıq şəkildə “Maydan-3”ün hazırlandığını bildirib. Prezident qeyd edib ki, Rusiyanın məqsədi ölkədə qarışıqlıq yaratmaq və mövcud hakimiyyəti devirməkdir.
Poliqon.info
Digərxəbərlər
Populyar xəbərlər
