ABŞ Yaxın Şərqdən yüz minlərlə amerikalını təxliyə etməyə hazırlaşır

Poliqon xəbər verir ki, bu barədə Amerika hökumətinin fövqəladə vəziyyət planları ilə tanış olan rəsmilərə istinadən The Washington Post qəzeti yazıb.

Qəzet qeyd edir ki, İsrail Müdafiə Qüvvələri (IDF) oktyabrın 7-də yəhudi dövlətinə hücum edən HƏMAS hərəkatının yaraqlılarını məhv etmək üçün Qəzza zolağında quru əməliyyatı hazırladığını elan etdikdən sonra təxliyə ehtiyacı kəskin şəkildə artıb.

WP nənbələrinin fikrincə, indiki vəziyyətdə təkcə İsraildə deyil, həm də qonşu Livanda yaşayan ABŞ vətəndaşları xüsusi narahatlıq doğurur. Bununla belə, onlar vurğulayıb ki, bu miqyasda evakuasiya ən pis ssenari hesab olunur. “Ancaq belə bir planın olmaması məsuliyyətsizlik olardı”, deyə bir məmur bildirib.

WP yazır ki, İsrailə güclü ictimai dəstəyə baxmayaraq, Amerika prezident administrasiyası mürəkkəb logistika səbəbindən evakuasiya perspektivindən narahatdır.

ABŞ Dövlət Departamentinin hesablamalarına görə, HƏMAS-ın İsrailə hücumu zamanı yəhudi dövlətində təxminən 600 min, Livanda isə 86 min ABŞ vətəndaşı olub.

“Hizbullah” Hərəkatının HƏMAS-a dəstəyini ifadə etməsindən sonra amerikalıların Livandan çıxarılması zərurəti mühüm məsələyə çevrilib. ABŞ HƏMAS-ın ardınca bu qrupun yaraqlılarının şimaldan İsrailə hücum edəcəyindən və bununla da ikinci cəbhə yaradacağından ehtiyat edir.

“ABŞ səlahiyyətliləri amerikalılar arasında çaxnaşma yaratmaq istəmədikləri üçün evakuasiya planları haqqında açıq danışmağı planlaşdırmırdılar. Bununla belə, son günlər onlar digər oyunçuların hərbi münaqişəyə girməsinin yolverilməzliyini vurğulamaq üçün mövqelərini dəyişiblər”, deyə WP qeyd edib.

Poliqon.info