ABŞ Rusiya və Şimali Koreyanı beynəlxalq nizamı pozmaqda ittiham edib

Poliqon xəbər verir ki, bu fikri ABŞ Müdafiə Nazirliyinin rəhbəri Lloyd Ostin Seulda BMT Komandanlığının müdafiə nazirləri ilə görüşündə deyib.

Ostin deyib ki, Birləşmiş Ştatlar Çin və Rusiyanın Şimali Koreyaya hərbi potensialının artırılmasına, eləcə də Moskva ilə Pxenyan arasında artan hərbi əməkdaşlığın səviyyəsinə kömək etməsindən dərin narahatdır.

ABŞ Müdafiə Nazirliyinin rəhbəri iddia edib ki, Şimali Koreya Rusiya tərəfini Ukrayna müharibəsində istifadə etmək üçün silahla təmin edir. Rusiya isə öz növbəsində Şimali koreyalılara geniş miqyasda qanunsuz fəaliyyətlər üçün artan dəstək verir.

“Bütün bu fəaliyyətlər təkcə Koreya Respublikasını təhdid etmir. Bu, həmçinin son 70 il ərzində rifah və sülh gətirən qaydalara əsaslanan beynəlxalq nizamı pozur”, deyə Ostin bildirib.

Ostin əlavə edib ki, Şimali Koreya raket və nüvə sferasında, kiberməkanda inkişaf etməkdə davam edir ki, bu da həm Cənubi Koreyanı, həm ABŞ-ı, həm də bütün regiondakı müttəfiqlərini və tərəfdaşlarını təhdid edir.

Poliqon.info