ABŞ Pekinin hərbi üstünlük əldə etməsinin qarşısını almaq niyyətindədir

ABŞ Çinin yüksək texnologiyalı çiplərə və onların istehsalı üçün avadanlıqlara çıxışını məhdudlaşdırmaq üçün tədbirləri sərtləşdirmək niyyətindədir.

Poliqon xəbər verir ki, bu barədə Bloomberg Agentliyi məlumat yayıb. Agentlik yazır ki, Vaşinqton, başqa şeylərlə yanaşı, hərbi məqsədləri olan texnologiyaların Çin bazarına daxil olmasını çətinləşdirməyi planlaşdırır. Bu yolla ABŞ geosiyasi rəqibinin ona hərbi üstünlük verə biləcək qabaqcıl texnologiyalar əldə etməsinin qarşısını almağa çalışır.

Nəşrin mənbələrinə görə, hazırlanan tədbirlər 2022-ci ilin payızında tətbiq edilən məhdudiyyətlərdəki boşluqların aradan qaldırılmasına yönəlib. Bayden administrasiyası Çin firmalarına süni intellekt tətbiqləri və qabaqcıl çip istehsalı avadanlıqları üçün çip satışına nəzarəti gücləndirməyə çalışır.

Bildirilir ki, Vaşinqton həm də tədarükləri üçüncü ölkələr vasitəsilə istiqamətləndirərək ixrac məhdudiyyətlərini yan keçməyə çalışan Çin firmaları üçün əlavə yoxlamalar tətbiq edəcək. Çip inkişafı ilə məşğul olan Çin firmaları da məhdudlaşdırıcı siyahıya əlavə olunacaq. Üçüncü ölkələrin istehsalçılarından bu şirkətlərin sifarişlərini yerinə yetirmək üçün ABŞ lisenziyaları tələb olunacaq.

Nəşrin mənbələrinin məlumatına görə, yenilənmiş məhdudiyyətlər həftənin əvvəlində dərc olunacaq.

Qeyd edək ki, 2022-ci ildə ABŞ Rusiya və Çində süni intellekt və super hesablamalar üçün istifadə edilən çiplərin satışına bir sıra məhdudiyyətlər tətbiq edib. Bu addım Rusiya və Çinin yarımkeçiricilərdən hərbi məqsədlər üçün istifadəsini məhdudlaşdırmağa hesablanıb.

Poliqon.info