Pentaqon yaxın günlərdə İrandan olacaq “əhəmiyyətli” cavab zərbəsinə hazırlaşır...
Poliqon xəbər verir ki, bu barədə CNN telekanalı ABŞ prezidenti Co Baydenin administrasiyasındakı mənbəyə istinadən məlumat yayıb.
Amerika rəsmiləri hücumun qaçılmaz olduğuna inanaraq Vaşinqtonun yüksək hazırlıq vəziyyətində olduğunu bildirir. İranın potensial hücumu Baydenin İsrailin Baş naziri Binyamin Netanyahu ilə danışıqlarında əsas mövzulardan biri olub.
CNN-in verdiyi məlumata görə, ABŞ İsrail ərazisinin İranın birbaşa hücumunun hədəfinə çevrilə biləcəyinə hazırlaşır. Belə bir ssenarinin genişmiqyaslı regional müharibə üçün təkan ola biləcəyi qeyd edilir.
Bundan əvvəl məlum olub ki, İsrail İrandan hücum olacağı təqdirdə qəti addımlar atmağa hazırdır. İsrail rəsmiləri bildiriblər ki, Tehran yəhudi dövlətinə hücum etmək üçün ballistik və qanadlı raketlərdən və pilotsuz təyyarələrdən istifadə edə bilər.
Poliqon.info