ABŞ Ədliyyə Nazirliyi marixuananı Narkotiklərlə Mübarizə İdarəsinin (DEA) ağır narkotiklər siyahısından çıxarmaq qərarına gəlib...
Poliqon xəbər verir ki, bu brədə Reuters Agentliyinin məlumatında bildirilir. DEA siyahısı sui-istifadə potensialı yüksək olan dərman kateqoriyalarını ehtiva edir. Marixuananı istisna etmək onun istifadəsini daha yüngül cinayətə çevirəcək.
Mövcud qanunlara görə, ABŞ-da marixuana istifadəsi heroin və ya LSD kimi ağır narkotiklərin istifadəsi ilə eyni cinayət məsuliyyəti yaradır. Baş prokuror Merrik Qarland isə marixuananı orta potensiala malik narkotiklər siyahısına keçirməyi tövsiyə edib (bura ketamin, Tylenol və kodein də daxildir).
Ədliyyə Nazirliyi Baş prokurorun tövsiyəsini qəbul edib və qərarını nəzərdən keçirilməsi və düzəlişlər edilməsi üçün Ağ Ev administrasiyasına göndərib. Reuters qeyd edir ki, marixuananın "yenidən təsnifləşdirilməsi" ştat və federal qanunlar arasındakı fərqləri azaldacaq. Qeyd edək ki, marixuananın təxminən 40 ştatda müxtəlif formalarda istifadəsi qanuniləşdirilib.
Marixuananın təsnifatına yenidən baxılması 2022-ci ildə prezident Co Baydenin təşəbbüsü ilə irəli sürülüb. Onun deçki kampaniyası vədlərindən biri marixuana istifadəsinə görə federal səviyyədə cəzaların azaldılması idi. Reuters qeyd edir ki, marixuananın ağır narkotiklər siyahısından çıxarılması daha çox tibbi araşdırmalar aparmağa imkan verəcək.
Poliqon.info