Son bir neçə ayda 2020-ci il ABŞ prezident seçkilərində Donald Trampa səs verən 84 seçicidən 25-i cinayət təqibi ilə üzləşib...
Poliqon xəbər verir ki, bu barədə The Washington Post nəşri yazıb. Qəzet qeyd edir ki, bu fonda onların bir çoxu siyasətçinin 2024-cü il prezidentlik yarışının finalına çıxacağı təqdirdə ona səs verməkdən imtina edir.
Nəşrin məlumatına görə, bu şəxslərə qarşı cinayət işləri əsasən saxtakarlıq, yalan ifadə vermə və saxta sənədlərlə bağlıdır. Məhkəmənin müsbət nəticələnməsi üçün 25 nəfərdən 10-u Trampın iştirak etdiyi heç bir seçkidə səs verməməyə razılaşıb. Daha 13 nəfər sui-qəsdin iştirakçısı olmaqda şübhəli bilinir, lakin hələ də onlara qarşı ittiham irəli sürülməyib.
Nəşrə müsahibə verən Respublikaçılar Partiyasının nümayəndələri bildiriblər ki, cinayət işlərinin sayının artması əvvəllər Trampa səs verən ştatlarda potensial Respublikaçı seçiciləri qorxuda bilər.
Qeyd edək ki, hazırda ABŞ-da Trampa qarşı bir neçə iş üzrə istintaq gedir. Bunlardan ən əsası onun 2020-ci il seçkilərinə müdaxiləsidir. Tram özü ittihamları qondarma və siyasi təqib adlandırır. Keçmiş prezidentin sözlərinə görə, Bayden hakimiyyətinin məqsədi onun yenidən namizəd olmasını əngəlləməkdir.
Poliqon.info