ABŞ prezidentinin milli təhlükəsizlik üzrə köməkçisi bildirib ki, Vaşinqton Kiyevə münaqişənin həlli ilə bağlı heç bir təzyiq etməyəcək…
Poliqon.info xəbər verir ki, bu barədə CNN telekanalı məlumat yayıb. Xəbərdə qeyd edilir ki, ABŞ prezidentinin milli təhlükəsizlik üzrə köməkçisi Ceyk Sallivan Ukraynadakı vəziyyətin nizamlanması üçün Pekinin təklifləri ilə sənəddə yer alan milli suverenlik haqqında bəndin vacibliyinə diqqət çəkib.
“İlk növbədə, milli suverenliyə hörməti təsbit edən birinci bəndi qeyd etmək istərdim" deyə Sallivan qeyd edib.
Sallivan həmçinin bəyan edib ki, Vaşinqton Kiyevə münaqişənin həlli üçün heç bir həll yolunda təzyiq etməyəcək.
“Mən sizə deyə bilərəm ki, ABŞ Ukraynaya bu müharibənin necə bitəcəyini diktə etməyəcək”, deyə Amerika liderinin müşaviri bildirib.
Fevralın 24-də Çin Xarici İşlər Nazirliyi Ukraynada 12 bənddən ibarət sülh yolu ilə nizamlanma planını təqdim edib. Sənəddə Ukraynada böhranın eskalasiyasının qarşısını almaqla atəşkəs elan etməyə, hərbi əməliyyatlara son verməyə, eləcədə Rusiya və Ukrayna tərəfləri arasında dialoqun tezliklə bərpasına çağırışlar yer alıb.
Planda vurğulanır ki, münaqişənin yeganə həlli dialoqdur və beynəlxalq ictimaiyyət sülh danışıqlarının asanlaşdırılması üçün düzgün yanaşmaya sadiq qalmalıdır.
Poliqin.info
Digərxəbərlər
Populyar xəbərlər
