8 noyabr – Zəfər Günü ilə əlaqədar Qaradağ rayonunda ağacəkmə aksiyası keçirildi

Ölkə başçısı cənab İlham Əliyevin tapşırıqlarına uyğun olaraq Bakı şəhərində, o cümlədən Qaradağ rayonunda yaşıllıq zolaqlarının artırılması, ekoloji tarazlığın bərpası və ətraf mühitin mühafizəsi istiqamətində işlər davam etdirilir.

Poliqon xəbər verir ki, 8 noyabr – Zəfər Günü ilə əlaqədar Qaradağ Rayon İcra Hakimiyyətinin təşkilatçılığı ilə keçirilən kütləvi ağacəkmə aksiyaları çərçivəsində noyabrın 4-də Qaradağ Rayon İcra Hakimiyyəti strukturlarının əməkdaşları, Şəhid ailələri, vətən müharibəsi qaziləri və rayon ictimaiyyətinin iştirakı ilə Qaradağ rayonu, Bakı-Qazax yolunun Sahil qəsəbə ərazisində ərazisində 500 ədəd şam ağacı əkilib. Ağaclara daimi qulluq və suvarılma məsələləri həll edilib.

Qeyd edək ki, mövsüm ərzində Qaradağ rayon ərazisinin yaşıllaşdırılması, yaşıllıqlara qulluq və abadlıqla bağlı tədbirlərin davam etdirilməsi nəzərdə tutulur.

Poliqon.info