15 milyon il davam edən tarixdən əvvəlki ilk pandemiya...

Təxminən 33 milyon il əvvəl qədim viruslar qrupu inanılmaz sayda qədim məməliləri, o cümlədən insanlardan və şimpanzelərdən tutmuş aardvarklara və pandalara qədər demək olar ki, bütün canlı növlərini yoluxdurub.

Poliqon xəbər verir ki, bu barədə “IFLScience” yurnalı yazıb.

Nəşrin yazdığına görə, tarixdən əvvəlki virusların yüksək yoluxucu qrupu təxminən 15 milyon il əvvəl yox olub. Ola bilsin ki, bu viruslar planetdə bacardığı hər kəsi yoluxdurub. Bu virusun DNT-sinin qeyri-aktiv fraqmentləri hələ də bir çox müasir məməlilərdə, o cümlədən insanlarda yaşayır.

Alimlər deyirlər ki, insan genomunun 8%-ə qədəri bir vaxtlar əcdadlarımıza yoluxmuş retrovirusların genetik ardıcıllığından ibarətdir. Məsələ ondadır ki, retroviruslar germline hüceyrələrinə daxil olarsa, onlar bütün populyasiyanın genomunun bir hissəsinə çevrilə bilərlər. Belə viruslara endogen retroviruslar deyilir.

Ən uğurlu nümunə isə Oliqosendən Erkən Miosenə qədər (30 ilə 15 milyon il əvvəl) bütün dünyaya yayıla bilən ERV-Fc adlı retrovirusdur.

Tədqiqatçılar ERV-Fc virusunun “fosil” qalıqlarını axtaran 50 canlı məməlinin genomlarını skan etdilər. Məlum olub ki, belə qalıqlar tədqiq edilən məməlilərdən ən azı 28-nin əcdadında olub. Onların arasında aardvarkların, boz siçan lemurlarının, dələ meymunlarının, marmosetlərin, babunların, şimpanzelərin, insanların, itlərin və pandaların qohumları olub.

Alimlərin fikrincə, bu, bütün qitələrdə məməlilərə təsir edən həqiqətən qitələrarası pandemiya olub. Yalnız Avstraliya və Antarktidanın ucqar bölgələri istisna idi.

Araşdırmada qeyd edilir ki, bu gün ERV-Fc qalıqlarının insanlara heç bir təsiri yoxdur. Genetik materialın fraqmentləri bizim genomumuzda sadəcə olaraq hərəkətsiz vəziyyətdədir. Lakin ERV-Fc və digər oxşar retrovirusların daha yaxşı başa düşülməsi HİV kimi müasir xəstəliklərlə necə mübarizə apara biləcəyimizə kömək edə bilər.

Poliqon.info