Bu gün “Monitor” jurnalının baş redaktoru Elmar Hüseynovun qətlə yetirildiyi gündən 14 il keçir. Jurnalist yaşadığı evin blokunda 2005-ci ilin mart ayının 2-də güllələnmişdi. Qatil Elmar Hüseynova yeddi güllə vurmuşdu
Azərbaycanın hüquq-mühafizə orqanları, ələlxüsus DİN və Baş Prokurorluq bu dəhşətli qətlin açılması üçün əllərindən gələni etdilər. Belə ki, müəyyən olunduğuna görə, cinayətin icraçıları Gürcüstan vətəndaşları Teymuraz Əliyev və Tahir Xubanov olublar, lakin Azərbaycan tərəfinin dəfələrlə sorğu göndərməsinə baxmayaraq, Gürcüstan şübhəlilərin təhvil verilməsindən imtina edib. İstintaq yolu ilə cinayətin sifarişçisini müəyyənləşdirmək mümkün olmayıb.
Bununla bərabər, Elmar Hüseynovun dostu və silahdaşı Eynulla Fətullayevin apadığı təhqiqat göstərib ki, qətlin təşkilatçıları elə jurnalistin öldürülməsi üzrə işi aparan, 2015-ci ildə ləğv olunmuş Milli Təhlükəsizlik Nazirliyinin yüksək vəzifəli əməkdaşları ola bilər.
Elmarın qətlindən 10 il sonra nazirlik sahibkarlara və sıravi vətəndaşlara qarşı quldurluq, mütəşəkkil cinayətkar dəstəyə çevrilmə səbəbindən ləğv edildi, onun yüksək vəzifəli əməkdaşları isə barmaqlıqlar arxasına düşdülər.(virtualaz.org)
pia.az