100 minə yaxın ukraynalı Böyük Britaniyanı tərk etməli olacaq

Hazırda Böyük Britaniyada yaşayan Ukraynadan olan 100 minə yaxın qaçqın 2025-ci ildə viza müddəti bitdikdən sonra ölkəni tərk etməli olacaq.
Poliqon xəbər verir ki, bu barədə Böyük Britaniyanın "The Telegraph" nəşri yazıb.

Qəzetin məlumatına görə, münaqişə başlayandan bəri 182 min ukraynalı Böyük Britaniyaya köçüb, lakin 2025-ci ildə onların vizalarının müddəti artıq başa çatır. Ona görə də 100 minə yaxın qaçqın ölkəni tərk etmək məcburiyyətində qalacaq.

Nəşrin materialında Britaniya parlamentinin üzvü və ölkənin keçmiş ədliyyə naziri Robert Baklandın ukraynalılara plan qurmaq imkanı verməyə çağıran sözlərinə istinad edilir. Çünki onların bəzilərinin uşaqları məktəbə gedir. O, həmçinin britaniyalı siyasətçilərə ukraynalı qaçqınlara daimi statusun verilməsi imkanlarını nəzərdən keçirmək təklifi ilə çıxış edib. Bakland hazırda Böyük Britaniyada yaşayan Ukrayna vətəndaşlarının daha çox sabitliyə malik olduğunu təkid edir və bu il bu məsələnin həllinə çağırır.

Əvvəllər bildirilirdi ki, Böyük Britaniya silahlı münaqişə ilə əlaqədar Ukrayna vətəndaşları üçün viza rejimini yüngülləşdirib. Bundan əlavə, ailə sxemi üzrə verilən vizalar pulsuzdur. Onlar yaşamaq, oxumaq və işləmək imkanı verir, dövlət vəsaitlərinə çıxış da təmin edir. Bununla belə, bu vizanın etibarlılıq müddəti 3 ildir və yalnız Böyük Britaniyada birbaşa qohumları olan vətəndaşlar ala bilər. Sponsorluq sxemi çərçivəsində ukraynalılara da vizalar verilir.