"Koronavirus peyvəndi qripi də məhv edəcək" - Bill Qeyts

"Microsoft"un həmtəsisçisi Bill Qeyts koronavirus peyvəndi ilə bağlı verdiyi açıqlaması gündəm mövzusuna çevrilib.

Canlı yayımlanan verilişdə o, mRNT peyvəndlərinin təkcə koronavirusa son qoymayacağını, həm də hər il orta hesabla 500.000 ölümə səbəb olan qripi aradan qaldıracağını söyləyib.

"Bir il ərzində peyvənd olunacağımız ideyası heyrətamizdir. Keçmişdə peyvəndlərin hazırlanması 5 il çəkərdi. Peyvəndlərimiz olmasaydı, bir çox ölkələrdə ölənlərin sayı əslində olduğundan iki dəfə çox olardı. Daha yaxşı qrip peyvəndi hazırlamaq üçün mRNT-dən istifadə edəcəyik"

Keçmiş həyat yoldaşı ilə dəstəklədiyi "Bill & Melinda Gates" Fondu vasitəsilə səhiyyə sektoruna sərmayə qoyan Qeyts, daha sonra mRNT peyvəndlərinin COVID-19 səbəbiylə xəstəxanaya yerləşdirmə nisbətləri və digər xəstəliklər üçün təsirli olduğunu açıqlayıb.

Peyvəndlərin hamilə qadınlara təsiri ilə bağlı suala cavab verən Bill, hamilə qadınların mRNT peyvəndlərindən faydalanacağını müdafiə edərək, "Hamilə qadınlar qripə yoluxduqda, uşaqları üçün çox daha pis nəticələr proqnozlaşdırırlar. Bu tənəffüs yoluxucu viruslardan hər hansı biri virusa çevrilə bilər. İnvestisiyalarla birlikdə məhsul istehsal etsək, düşünürəm ki, həqiqətən də qrip və soyuqdəymədən xilas ola bilərik”.(unikal)

pia.az