ABŞ-ın sanksiyalarına məruz qalmayan yeganə Rusiya qubernatoru Vaşinqtona qarşı hüquqi prosedur başlatmaq qərarına gəlib...
ABŞ sanksiyalarına məruz qalmayan yeganə Rusiya qubernatoru olan Yəhudi Muxtar Vilayətinin rəhbəri Rostislav Qoldşteyn buna görə ABŞ-ı Avropa İnsan Hüquqları Məhkəməsinə şikayət etmək niyyətində olduğunu bildirib.
Poliqon.info xəbər verir ki, bu barədə qubernator RTVI beynəlxalq media kanalına müsahibəsində bildirib.
“Əgər soruşmaq istəyirsinizsə ki, niyə sanksiya siyahısına təkcə mən düşməmişəm, bunu deyəcəyəm: onları məhkəməyə verəcəyəm, Strasburqda!”, deyə qubernator bildirib
Qoldşteyn həmçinin baş verənlərin ona “mənəvi iztirab” verdiyini deyib, sanksiya siyahısının müəlliflərini isə “alçaqlar” adlandırıb.
Qeyd edək ki, 24 fevral 2023-cü ildə ABŞ daha 48 Rusiya qubernatoruna qarşı sanksiyalar tətbiq edib. Sanksiyalara məruz qalan şəxslərin aktivlərinin bloklanması təmin ediləcək.
Poliqon.info