Yaponiyada güclü zəlzələlər nəticəsində həlak olanların daha 20 cəsədi Yaponiya dənizi sahilindəki Noto yarımadası yaxınlığında tapılıb...
Poliqon xəbər verir ki. bu barədə NHK telekanalı İşikava prefekturasının məlumatlarına istinadən məlumat yayıb. Bununla da qurbanların sayı 180 nəfərə çatıb.
Yaralıların sayı isə 565 nəfərə çatıb. Ən azı 120 nəfər hələ də itkin sayılır. 28 min sakin təxliyə edilib. Zəlzələlərdən ən çox zərər çəkən İşikava prefekturasında olub, burada 1370 ev tamamilə və ya qismən dağılıb. Yerli sakinlərin içməli suyu çatışmır: onlar bulaq suyunu və çayların suyunu qaynad içirlər. Yaponiya hökuməti zərərçəkənlərə 32 milyon dollar yardım etməyi planlaşdırır.
Qeyd edək ki, yanvarın 1-dən Yaponiyada 1200-dən çox zəlzələ baş verib. Ən güclü zəlzələ 7,6 bal olub.
Poliqon.info