Xersonda rus hərbçilərinin özbaşınalıqları - Sakinlər işğalı anladıblar...

Hərbçilərin özbaşınalığı və əsgərlərin əsassız qəddarlığı Xersonda əhalinin ruslaşdırılmasının uğursuzluğunun əsas səbəblərindən biri olub. Bunu Rusiya hərbçiləri getdikdən sonra The New York Times və The Times qəzetlərinin jurnalistlərinin danışdıqları zaman Xerson sakinlər deyib.

PİA.az xəbər verir ki, fevralın 24-dən sonra Rusiya tərəfindən ələ keçirilən yeganə regional mərkəz olan Xerson de-Ukrainizasiyanın əsas mərkəzinə çevrilməli idi. Yerli sakinlərdən olan qəzetlərin həmsöhbətləri bunun praktikada necə baş verdiyini danışıblar.

- Uşaq bağçasının müəllimi Yelena The Times-a bildirib ki, o, TikTok-da Ukraynayönlü yayım apardığı üçün saxlanılıb. Qadının dediyinə görə, onlar onun başına torba keçirib, narkotik verib və 11 gün digər məhbuslarla birlikdə zirzəmidə saxlayıblar. O, ekstremizmdə ittiham edilib və yalnız qadın videoda öz fikirlərindən imtina etməyə razılaşdıqda sərbəst buraxılıb.

- Təqaüdçü İrina NYT-yə bildirib ki, rus əsgərləri ərini yol hərəkəti qaydalarını pozmaqda ittiham edib və onu yol kənarında döyüblər. Onun sözlərinə görə, Rusiya hərbçilərinin qəddar davranışı Moskvanın Xerson sakinlərini mədəni şəkildə assimilyasiya etməsini çətinləşdirib.

- İş adamı Oleksandr The Times-a deyib: “Mən heç kimlə danışmazdan əvvəl sözlərimi diqqətlə ölçüb-biçirdim, çünki siz heç vaxt bilmirsiniz ki, Ukraynayönlü bir şey desəniz, sizin haqqınızda kim xəbər verə bilər”. Nəşr bu atmosferi Stalin terroru ilə müqayisə edib.

- İnşaat işçisi Sergey NYT-yə bildirib ki, mart ayında Rusiya işğalına qarşı etiraz aksiyalarında iştirak etdiyinə görə həbs olunacağından qorxduğu üçün doqquz aydır dostları ilə gizlənib. Onun sözlərinə görə, bəzi dostları belə həbslərdən sonra yoxa çıxıblar. Sergeyin sözlərinə görə, evinə gələn rus əsgərləri onu tapmayıb, televizor və soyuducunu oğurlayıblar. O, qeyd edib ki, rusiyayönümlü hakimiyyət Kiyevi dəstəkləyən əhalini “yatırıb”. “Burada baş verənlər etnik təmizləmə idi”, deyə Sergey vurğulayıb.

- Kafe sahibi “The Times”a deyib ki, sərxoş rus əsgəri, əgər şəxs qrivnadan rubla keçməkdən imtina edərsə, onun müəssisəsinə qumbara atacağı ilə hədələyib. “Onlar çöldə silahla dayanıb, yoldan keçən qadınları tuturdular”, deyə o, əlavə edib. Taksi deposunun əməkdaşı İrina NYT-yə bildirib ki, o da yeni hakimiyyətin tələblərinə baxmayaraq rubla keçməkdən imtina edib.

Ruslaşdırmanın əsas istiqamətlərindən biri təhsil idi. NYT yazır ki, məktəblərdə Rusiya himni əzbərlənirdi və uşaqlara onların ukraynalı deyil, rus olduqları deyilirdi. Nəşrin həmsöhbətlərindən birinin sözlərinə görə, Xersondakı məktəblərin əksəriyyəti Moskvanın tərtib etdiyi kurrikuluma keçib. Amma bu, hər yerdə belə deyildi. Qadın deyir ki, qızını məktəbə yalnız müəllimlərin gizli şəkildə rus kurikulumu ilə öyrətmədiyinə əmin olduqdan sonra göndərib. Müəllimlər uşaqlara rus himnini öyrətmədilər, onu “Ukraynaya eşq olsut” şüarı ilə əvəz ediblər.

Xatırladaq ki, Ukrayna prezidenti Vladimir Zelenski bazar günü bildirib ki, Rusiya qoşunlarının çıxarılmasından sonra Xerson vilayətində artıq 400-dən çox hərbi cinayətin sənədləşdirilib.

pia.az