Ukraynanın xarici işlər naziri Blinkenlə görüşüb

Poliqon xəbər verir ki, Kuleba bu barədə X sosial şəbəkəsində (keçmiş Twitter) məlumat verib.

“Mən Entoni Blinkeni Ukraynadaa salamlayıram. Dövlət Katibi Kiyevdə bu günü həlak olan qəhrəmanlarımızın xatirəsini yad etməklə başlayan ilk həmkarı oldu”, deyə XİN rəhbəri Blinkenlə birgə dərc olunmuş fotoya şərh yazıb.

Qeyd edək ki, bu gün ABŞ Dövlət Katibi Ukrayna prezidenti Vladimir Zelenski ilə görüşmək üçün Kiyevə səfər edib. Qeyd edilir ki, Blinken birbaşa Ukrayna liderindən əks-hücum əməliyyatı ilə bağlı vəziyyəti öyrənmək və BMT Baş Assambleyasının Nyu-Yorkda keçiriləcək payız sessiyasında dövlətlərin mövqelərini razılaşdırmaq üçün Kiyevə gəlib.

Poliqon.info