AFAD-nın verdiyi məlumata görə, Düzcedə baş verən 5,9 bal gücündə zəlzələdən sonra bölgəyə 17 milyon TL-lik vəsait göndərilib...
PİA.az Türkiyə mətbuatına istinadən xəbər verir ki, Fəlakət və Fövqəladə Hallar Rəhbərliyi (AFAD) Gölyakada baş verən 5,9 bal gücündə zəlzələ ilə əlaqədar Düzceyə 17 milyon lirə təcili yardım göndərildiyini bildirib. AFAD-dan verilən açıqlamada bölgəyə göndərilən vəsaitin 1 milyonunun Ailə və Sosial Xidmətlər Nazirliyi tərəfindən verildiyi bildirilib.
Açıqlamada, həmçinin Düzcedə 37, İstanbulda 2, Boluda 14, Zonguldakda 10, Sakaryada 26, Bursada 4 olmaqla, ümumillikdə 93 nəfərin yaralandığı, yaralılardan 13 nəfərin xəstəxanalarda müalicəsinin davam etdiyi qeyd edilib.
pia.az