Türk Dövlətləri Təşkilatının (TDT) Katibliyi vətəndaş cəmiyyəti nümayəndələrinin dinc etirazlarına səbəb olan Ermənistan və digər cinayətkar ünsürlər tərəfindən Azərbaycanın Qarabağ iqtisadi rayonunda təbii sərvətlərin qeyri-qanuni istismarından ciddi narahatlığını bildirir və bu addımları pisləyir...
APA-nın İstanbul müxbirinin verdiyi xəbərə görə, bu barədə təşkilatın beyanatında deyilir.
Qeyd olunub ki, Azərbaycanın təbii sərvətlərinin qeyri-qanuni istismarı, Ermənistana qaçaqmalçılıq yolu ilə gətirilməsi, Azərbaycan ərazisində Ermənistan silahlı qüvvələrinin qalıqlarının qanunsuz mövcudluğu və ərazilərin minalanması Azərbaycanla Ermənistan arasında münasibətlərin hörmət və qarşılıqlı tanınma əsasında normallaşdırılması, bir-birinin suverenliyini, ərazi bütövlüyünü və regionda sülhün və sabitliyin təmin edilməsinə xidmət etmir.
TDT yuxarıda qeyd olunan qanunsuz əməllərə dərhal son qoymağa çağıraraq, bununla bağlı Azərbaycanın və eko-fəalların bütün səylərini dəstəkləyir.
pia.az
Digərxəbərlər
Populyar xəbərlər
