Rusiyanın müdafiə naziri müharibənin başlaması ilə demək olar ki, bütün NATO ölkələrinin Rusiyaya qarşı imkanlarından istifadə etdiyini bildirib...
Rusiyanın müdafiə naziri Sergey Şoyqu cümə günü bildirib ki, Ukraynada Xüsusi Hərbi Əməliyyatın başlaması ilə Şimali Atlantika Alyansının demək olar ki, bütün ölkələrinin döyüş potensialı və imkanları Rusiyaya qarşı istifadə edilib.
Poliqon TASS Agentliyinə istinadən xəbər verir ki, Rusiyanın müdafiə naziri bu barədə Şanxay Əməkdaşlıq Təşkilatına üzv ölkələrin müdafiə nazirlərinin Yeni Dehlidə keçirilən iclasında bildirib.
"Qərb Rusiya Federasiyası ilə qarşıdurmaya əvvəlcədən hazır olduğunu nümayiş etdirdi. Rusiyaya qarşı dərhal irimiqyaslı sanksiyalar tətbiq edildi, Ukraynaya silah-sursat verildi, kəşfiyyat məlumatları çatdırıldı, döyüş bölgəsinə hərbi məsləhətçilər və muzdlular göndərildi”, deyə çıxışında Şoyqu qeyd edib.
“Beləliklə, praktiki olaraq bütün NATO ölkələrinin hərbi potensialı və imkanları Rusiyaya qarşı cəlb olunub”, deyə Rusiyanın müdafiə naziri vurğulayıb.
Poliqon.info