Keçmiş ordu komandanını təklifi cəbhə xəttindəki döyüşçülərin qəzəbli reaksiyasına səbəb olub...
Rusiya generalı, keçmiş ordu komandanı Ukraynanın işğalındakı rolu ilə bağlı gərginliyin artdığı bir vaxtda özəl hərbi şirkət olan “Vaqner Qrupu”nu qadağan olunmasına və buraxılmasına çağırış edib.
Poliqon xəbər verir ki, bu barədə Politico nəşrinin məlumatında bildirilir.
RusiyaSilahlı qüvvələrinin general-leytenantı, hazırda Kommunist Partiyasından deputatı olan Viktor Sobolev çərşənbə axşamı verdiyi açıqlamada Priqjinin muzdlularını “qanunsuz silahlı birləşmə” adlandırıb və bu silahlı birləşmənin qadağan olunmaslna çağırış edib.
““Vaqner qrupu”nun harada qeydiyyatdan keçdiyi və nə işlə məşğul olduğu bəlli deyil”, deyə Sobolev vurğulayıb. Genral xəbərdarlıq edib ki, bu muzdlu ordu sıralarına gedən hərbiçilər və sıravi vətəndaşlar 15 ilə qədər həbs cəzası ala bilərlər.
Qeyd edək ki, Moskva son aylarda Ukraynanın Baxmut şəhəri ətrafında gedən döyüşlərin əsas yükünü “Vaqner”ə həvalə edib. Qrupun qurucusu, oliqarx Yevgeni Priqojin isə son həftələrdə Müdafiə Nazirliyinin yüksək vəzifəli generallarını onlara sursat verməməkdə ittiham edib.
Poliqon.info