Şimali Karolinadan olan Respublikaçı konqresmen Patrik MakHenri ABŞ Nümayəndələr Palatasının müvəqqəti sədri seçilib...
Poliqon CNN telekanalına istinadən xəbər verir ki, Mak Henri bu vəzifəni qanunverici orqanın əvvəlki spikeri Kevin Makkarti tutduğu vəzifədən uzaqlaşdırıldıqdan az sonra alıb.
CNN-in məlumatına görə, MakHenrinin müvəqqəti spiker vəzifəsinə təyin edilməsi həm onun həm partiyadaşları, həm də ABŞ Demokratik Partiyasının nümayəndələri tərəfindən dəstəklənib. Respublikaçıların namizədliyi Nümayəndələr Palatasının keçmiş spikeri Kevin Makkarti tərəfindən irəli sürülüb.
Nümayəndələr Palatasının yaxın vaxtlarda növbədənkənar iclas keçirəcəyi və orada qanunverici orqanın daimi rəhbərinin təyin edilməsi məsələsinin həll olunacağı gözlənilir. Konqresmenlərin ilk cəhdində yeni spiker seçməkdə uğur qazana bilməyəcəkləri ehtimalı yüksəkdir.
Kevin Makkarti oktyabrın 4-də keçirilən səsvermədə Nümayəndələr Palatasının sədri vəzifəsindən kənarlaşdırılıb. Makkarti bu ilin yanvar ayının əvvəlindən Nümayəndələr Palatasının sədri vəzifəsini icra edir. Nümayəndələr Palatası öz tarixində heç vaxt spikeri vəzifəsindən kənarlaşdırmayıb.
Poliqon.info