ATV-də efirə gedən “Bizimləsən” verilişində maraqlı anlar yaşanıb...
PİA.az xəbər verir ki, bu gün 48 yaşı tamam olan Əməkdar artist Rafael İsgəndərov telefonla studiyaya qoşulub. Veilişin aparıcısı Zaur Baxşəliyev onu təbrik etdikdən sonra nə bişidiklərini soruşub.
Rafaelin cavabı belə olub: “Sadə ad günü keçirirəm. Aş və paytaxt salatı hazırlamışıq”.
Zaur Baxşəliyev Əməkdar artistdən xahiş edib ki, süfrəni göstərsin. Amma Rafael onun sözünü yerə salıb.
Aparıcı aktyoru təbrik edəndən sonra yenidən masanı görmək istədiyini bildirib. Rafael onun sözünü bu dəfə də yerə salıb. Bu vaxt Zaur təəssüfləndiyini dilə gətirib: “Heyf ki, aşı və salatı görə bilmədim”.
Əməkdar artistin reaksiyası studiyada əyləşənlərin gülüşünə səbəb olub: “Maşın gəlsin, sənə bir qazan aş göndərəcəm”.
Çıxılmaz vəziyyətdə qalan aparıca sağollaşmaq istəyəndə Rafael yenə zarafatından qalmayıb: “Sənə aş göndərim?”
pia.az