İlon Mask bildirib ki, “SpaceX” 1-2 ay ərzində yeni “Starship” buraxılışını həyata keçirməyə hazır olacaq...
Amerikanın aerokosmik şirkəti “SpaceX” 1-2 ay ərzində özünün super ağır daşıyıcısı “Starship”in yeni buraxılışına hazır olacaq.
Poliqon xəbər verir ki, bu barədə şirkətin rəhbəri İlon Mask bildirib.
““Starship”in yeni buraxılışını biz 1-2 ay ərzində yenidən işə salmağa hazır olacağıq”, deyə İlon Mask sosial mediada yazıb.
Qeyd edək ki, “SpaceX”, cümə axşamı Texasın cənub-şərqindəki Boka-Çikadakı buraxılış meydançasından “Starship” raketini buraxıb. İlk uçuşun bir hissəsi olaraq, raket Yer ətrafında bir dövrə vurmalı idi. Sonra “Ship 24” kosmik gəmi Sakit Okeanda, Havay adaları yaxınlığında eniş etməli etməli idi. Lakin raket buraxıldıqdan bir neçə dəqiqə sonra nəzarətsiz fırlanmağa başlayıb və partlayıb. Sınaq buraxılışı pilotsuz rejimdə baş tutub.
Yenidən istifadə edilə bilən raket sistemi “Ship 24” kosmik gəmisi və “Super Heavy” daşıyıcısından ibarətdir. Hündürlüyü 120 metrə çatır. O, dünyada indiyə qədər hazırlanmış hər hansı digər raketdən daha böyükdür. “Super Heavy” daşıyıcısı NASA-nın Aya pilotlu uçuşlar üçün yaradılan Kosmik” Launch System” (SLS) ağır raketindən iki dəfə güclüdür.
Qeyd edək ki, gələcəkdə “Starship” raketinin Aya və Marsa pilotlu uçuşlar üçün istifadə ediləcəyi planlaşdırılır.
Poliqon.info