Məşhur hüquq müdafiəçisi Oqtay Gülalıyevin İstanbulun “Amerika Xəstəxanası”nda müalicəsi davam etdirilir. Müsbət dinamika var: onun çəkisində artım var, duyğurları, reaksiyaları dəqiqləşir, bu barədə Turan-a Gülalıyevin həyat yoldaşı Firuzə Gülalıyeva bildirib.
“Amma, şüur oyanıqlığının nə zaman baş verəcəyi hələ də bilinmir. Oqtayı müalicə edən həkimlər də bunun nə zaman baş vercəyini deyə bilmirlər.
Biz Tükyiyəyə gələndə Azərbaycanda həkimlər onun yaşama şansını 20 faiz dəyərləndirmişdilər. Amma Oqtay hələ yaşayır, səhhətində irəliləyişlər var, nəfəs alması daha da rahatlaşıb. Türkiyədə əməliyyatları uğurlu keçib”, deyə o qeyd edib.
Xatırladaq ki, Oqtay Gülalıyevi 2019-cu il oktyabrın 29-da Bakının mərkəzində maşın vurub. O, ciddi kəllə-beyin travması alıb, amma o, yalnız ayın 31-də “City Hospital”da əməliyyat olunub.
Noyabrın 1-də o, Respublika Neyrocərrahiyyə Xəstəxanasına köçürülüb.
Noyabrın 5-də Heydər Əliyev Fondunun vasitəçiliyi ilə o, İstanbulun “Avrasiya” klinikasına aparılıb. Noyabrın 21-də Gülalıyev İstanbuldakı “Amerika Klinikası”na köçürülüb.
pia.az
Digərxəbərlər
Populyar xəbərlər
