ABŞ-ın keçmiş prezidenti Barak Obama gizli şəkildə vitse-prezident Kəmalə Harrisin seçki kampaniyasına rəhbərlik edir və nəzarət üçün öz adamlarından istifadə edir...
Poliqon xəbər verir ki, bu barədə Nümayəndələr Palatasının keçmiş respublikaçı spikeri Kevin Makkarti The New York Post qəzetinə müsahibəsində deyib.
“Əgər siz Harrisin kampaniyasını izləyirsinizsə, görərsiniz ki, Obamanın əsas adamlarından bəziləri, Devid Plouffe və başqaları indi bunun üzərində işləyirlər. Obama Ağ Evi idarə etməkdən Harris kampaniyasını idarə etməyə keçib”, deyə MakKarti bildirib.
Nəşr qeyd edib ki, Obamanın keçmiş baş məsləhətçiləri Harrisin komandasında mühüm rol oynayır. MakKarti buna misal olaraq gələcək vitse-prezidentin yoxlanılması prosesinin aparılmasına kömək edən baş prokuror Erik Holderi göstərib .
Harris həmçinin Obamanın 2008-ci ildəki kampaniya meneceri Devid Plouoffeni baş köməkçisi kimi işə götürüb. Obamanın kampaniya menecerinin müavini olmuş Stefani Katter həm də Demokrat namizədə baş məsləhətçi kimi işləyir.
NYP-nin məlumatına görə, Harrisə tezliklə 2008-ci il seçkiləri zamanı Obamanı tanıtmağa kömək edən Jim Marqolisin reklam firmasının da qoşulacağı gözlənilir.
Poliqon.info
Digərxəbərlər
Populyar xəbərlər
