Pekin Ukrayna ilə əlaqələri inkişaf etdirməyə hazırdır

Poliqon xəbər verir ki, Pekində Çin və Ukrayna Xarici İşlər nazirlikləri arasında məsləhətləşmələr keçirilib. ÇXR-i xarici işlər nazirinin müavini Sun Veydun, Ukraynanı isə nazirin birinci müavini Andrey Sibiqa təmsil edib. Görüşdə rəsmi Pekin Ukrayna ilə bütün sahələrdə əlaqələri inkişaf etdirməyə hazır olduğunu bəyan edib. Bu barədə məlumat Çin Xarici İşlər Nazirliyinin saytında yerləşdirilib.

“Çin iki dövlət başçılarının əldə etdiyi mühüm konsensusu həyata keçirmək, qarşılıqlı hörmət və bir-birinə səmimi münasibət kimi yaxşı ənənəni davam etdirmək, həmişə Ukrayna xalqının əsas və uzunmüddətli maraqlarını diqqət mərkəzində saxlamaq üçün Ukrayna ilə işləməyə hazırdır”, deyə Sun Vendun bildirib.

Çin XİN-nin bəyanatında deyilir ki, danışıqlar zamanı tərəflər Ukrayna böhranını, həmçinin ümumi maraq kəsb edən beynəlxalq və regional məsələləri müzakirə ediblər.

Poliqon.info