ABŞ prezidenti Co Bayden bildirib ki, ABŞ administrasiyasının keçmiş rəhbəri Donald Tramp ABŞ-ı keçmişə sürükləyir...
Poliqon xəbər verir ki, bunu Co Bayden çərşənbə axşamı Kaliforniyada keçirilən kampaniyada ianə toplama mərasimində deyib.
“Tramp bizi gələcəyə aparmır, keçmişə sürükləyir” deyə Bayden mərasimdə bildirib.
Baydenin açıqlamalarını Ağ Evin mətbuat xidməti yayıb.
“Biz həqiqətin tərəfdarıyıq və ona və onun yalanlarına qalib gələcəyik”, Amerika lideri siyasi rəqibi olan Trampa qalib gələcəyi ilə bağlı əminliyini nümayiş etdirib.
Xatırladaq ki, daha əvvəl ABŞ-ın BMT-dəki keçmiş daimi nümayəndəsi, Respublikaçılar Partiyasının prezidentliyə namizədliyi uğrunda mübarizədə Trampın əsas rəqibi olan Nikki Heyli demişdi ki, sonuncuya “keçmişin iblisləri” girib. Heyli Trampın “ABŞ-ın layiq olduğu gələcəyə doğru iapara bilməyəcəyini” vurğulayıb.
ABŞ-da prezident seçkiləri 2024-cü ilin noyabrında keçiriləcək. 25 aprel 2023-cü ildə Bayden Ağ Evə yenidən seçilmək istəyəcəyini açıqlayıb. Tramp 2022-ci ilin noyabrında seçki yarışına qatılacağını elan edib. O, Respublikaçılar Partiyasından prezidentliyə ən çox ehtimal olunan namizəddir.
Poliqon.info