Rusiya qoşunlarının ölkəyə daxil olmasından iki il sonra Ukrayna iqtisadiyyatını bərpa etmək üçün Dünya Bankı, BMT, Avropa Komissiyası və Ukrayna hökumətinin proqnozuna görə, 486 milyard dollar tələb olunacaq...
Poliqon xəbər verir ki, bir il əvvəl ehtiyaclar 411 milyard dollar olaraq qiymətləndirilmişdi.
2024-cü ildə Ukrayna hakimiyyətinə yenidənqurma və bərpa ilə bağlı prioritet vəzifələri həll etmək üçün 15 milyard dollar lazımdır. Bu məbləğin yalnız 5,5 milyard dolları Kiyevin və onun beynəlxalq tərəfdaşlarının resursları hesabına təmin edilir.
On il ərzində 486 milyard dollara ehtiyac olacağı təxmin edilir. Bunun 17 faizi mənzil tikintisinə, 15 faizi nəqliyyata, 14 faizi ticarət və sənayeyə, 12 faizi kənd təsərrüfatına, 10 faizi enerjiyə ayrılmalıdır. Bütün sektorlarda dağıntıları təmizləmək üçün 11 milyard dollar tələb olunur.
Döyüşlərin birbaşa zərəri 152 milyard dollar qiymətləndirilir. Ən çox zərər çəkən sahələr mənzil-kommunal təsərrüfatı, nəqliyyat, ticarət, sənaye, enerji və kənd təsərrüfatıdır. BMT-nin press-relizində qeyd edildiyi kimi, ən böyük zərər Kiyev vilayətində, Donbass, Xerson və Zaporojye vilayətlərində (DXR, LPR, Xerson və Zaporojye vilayətləri 2022-ci ilin payızında Rusiya tərəfindən ilhaq edilib) baş verir. Mənzil fondunun 10% -i məhv edildi və ya zədələnib, Kaxovskaya su elektrik stansiyasının dağıdılması ətraf mühit və kənd təsərrüfatı üçün əhəmiyyətli mənfi nəticələrə səbəb olub.
Ukraynanın baş naziri Denis Şmıqal bildirib ki, Ukraynanın bərpası üçün əsas resurs Rusiyanın Qərbdə dondurulmuş aktivlərinin müsadirəsi olmalıdır. Bu barədə onun BMT-nin saytındakı proqnoza şərhində deyilir.
Hökumət başçısı həmçinin əmin edib ki, hakimiyyət özəl investisiyaların cəlb edilməsi üçün şərait yaradır. Kreml bundan əvvəl Qərbin Rusiya vəsaitlərinin müsadirəsini qanuniləşdirə bilməyəcəyini bildirib. Rusiyanın prezidentinin mətbuat katibi Dmitri Peskov aktivlərin bloklanmasını qanqster hərəkətləri adlandırıb.
Poliqon.info