Yaponiyanın xarici işlər naziri Yoko Kamikava Sakit okean ada ölkələrinin liderləri ilə görüşdüyü Ficini tərk edə bilmir...
Poliqon xəbər verir ki, bu barədə "RİA Novosti" Agentliyi yazıb. Agentliyin məlumatına görə, Kamikava çarter təyyarəsinin sıradan çıxması səbəbindən adaları tərk edə bilməyib.
Nazirin fevralın 13-nə planlaşdırılan brifinqi ləğv edilib. Kamikavanın vəzifələri müvəqqəti olaraq hökumətin baş katibinə həvalə edilib.
Yanvarın əvvəlində Yoko Kamikava Kiyevə səfəri zamanı zirzəmidə mətbuat konfransı keçirməyə məcbur olub. Jurnalistlər üçün keçirilən brifinqdə Ukrayna Xarici İşlər Nazirliyinin rəhbəri Dmitri Kuleba da iştirak edib. Eyni zamanda, tədbirdən olan videogörüntülərdə hər iki diplomatın "canlı" və "həyat üçün təhlükə" sözləri yazılmış elektrik lövhələrinin yanında oturduğu görünür.
KİV-in məlumatına görə, şəhərdə hava hücumu xəbərdarlığı səbəbindən nazirlər belə bir şəraitdə mətbuat konfransı keçirməli olublar.
Poliqon.info